Të paktën 156 kanë vdekur në Gjermani njoftoi policia këtë mëngjes në një deklaratë. Në Tokën e Rheinland-Pfalzit bilanci ka shkuar në 110 viktima. Ekipet e shpëtimit vazhdojnë të gërmojnë mbeturinat në kërkim të të zhdukurve, numri i të cilëve mbetet i pamundur të vlerësohet për shkak të ndërprerjes së linjave të komunikimit me zonat e përmbytura. “Imazhe drithëruese”. Kështu e përcaktoi Angela Merkel, në Adenau, atë që pa në vendet e përmbytjes diten e sotme. “Falë Zotit vendi ynë mund të përballet financiarisht me atë që ka ndodhur dhe ne do ta bëjmë menjëherë këtë,” tha ajo, duke folur në Adenau me presidentin e Rhineland-Palatinate, një nga rajonet gjermane më të prekura nga përmbytjet. “Gjuha gjermane nuk njeh fjalë për të përcaktuar atë që ndodhi këtu,” përfundoi Merkel. Kancelarja u kthye dje nga një vizitë shtetërore në SHBA, nga ku ndoqi zhvillimet e katastrofës. Ajo kishte reaguar më parë edhe nga Uashingtoni, duke dërguar një mesazh ngushëllimi për viktimat e regjistruara në Gjermani, dhe duke i quajtur ngjarjet e ditëve të fundit një “katastrofë”.