Një 18-vjeçar nga Ohio të Shteteve të bashkuara të Amerikës, po përballet me akuza për armëmbajtje në publik pasi oficerët që patrullonin një stacion metroje nw Times Square, e diktuan atë me një kallashnikov AK-47. Sadiq Teague u gjet i ulur ndërsa po karikonte telefonin e tij në stacionin e metrosë dhe kishte AK-47 të vendosur para tij, ka raportuar CNN. Adoleshenti gjithashtu mbante një maskë kundragaz me vete, Komisioneri i Policisë së Nju Jorkut, Dermot Shea në Tëitter uroi oficerët për patrullimin e suksesshëm rutinë në të cilin konfiskuan sendet e rrezikshme. "Kjo histori mund të kishte një fund tragjikisht, por falë këtyre policëve të zellshëm përfundoi me të dyshuarin në pranga," shkroi ai. Teague akuzohet pwr posedim kriminal të një arme sipas Departamentit të Policisë së Nju Jorkut. Raportohet se ende nuk i është caktuar një avokat 18 vjecarit, ndërsa është kërkuar një koment nga familja e tij dhe nga zyrat e avokatisë në Manhatan.