Vetëm pak ditë pas mbërritjes së 11 mijë e 700 dozave të vakinës Pfizer në aeroportin e Rinasit, ministri i jashtëm kroat ka miratuar vendimin për t’i dhuruar Shqipërisë dhe Maqedonisë së Veriut përkatësisht 10 mijë doza të vaksinës antiCovid. Në një moment kur vetë shëndetësia Kroate ka mundur të vaksinojë vetëm 21.7 për qind të popullsisë vendase, ky vendim i qeverisë kroate për të ndihmuar pesë vendet e Ballkanit Perëndimor në luftën ndaj koronavirusit, tregon solidaritet. Pak ditë më parë janë dhuruar edhe 10 mijë doza vaksine për Kosovën dhe Malin e Zi dhe 30 mijë doza për Bosnjë dhe Hercegovinën.