Ambasadorja e Shteteve të Bashkuara të Amerikë në Këshillin e Sigurimit, Linda Thomas-Greenfield ka mbërritur në Tiranë, në një vizitë zyrtare. Ka qenë ambasada e SHBA në vendin tonë që e ka bërë të ditur lajmin, teksa shkruan se ambasadorja Thomas-Greenfield do të përsërisë mbështetjen e palëkundur të SHBA për Shqipërinë, si një aleat që po punon shumë fort me Amerikën për t’iu përgjigjur krizës së shkaktuar nga lufta. Vetë ambasadorja nëpërmjet një postimi në Twitter shprehet se Shqipëria është një partner i palëkundur i SHBA, ndërsa vlerëson edhe qëndrimet e vendit tonë në Këshillin e Sigurimit në OKB kundrejt Rusisë.