Top News – Kriteret për të udhëtuar në Gjermani/ Këshillat që nisin nga Rinasi deri në destinacion

Gjermania ka hapur kufijtë për shqiptarët. Duke nisur nga 20 qershori, shtetasit shqiptarë lejohen të udhëtojë drejt qyteteve gjermane pa qenë nevoja të justifikojnë shkakun. Ndërkohë ambasada gjermane ka theksuar se duhet të ruhet vigjilenca në disa raste. "Duke filluar nga e diela, më 20 qershor, shtetasit nga Shqipëria, Serbia dhe Maqedonia e Veriut do të lejohen të hyjnë sërish në Gjermani pa qenë nevoja të justifikojnë shkakun e udhëtimit. Ambasada gjermane në Tiranë njofton se udhëtimi për në Gjermani i personave rezidentë në Shqipëri, lejohet përsëri për të gjitha qëllimet e udhëtimit. Për udhëtimet hyrëse me rrugë ajrore është e domosdoshme një dëshmi e testit, një dokument që provon shërimin apo vaksinimin", thuhet në një lajmërimin e ambasadës. Për ata që vijnë nga Shqipëria, ky vendim ua bën më të lehtë formalitetet e hyrjes. Nuk ka asnjë detyrim testimi , regjistrim dixhital të hyrjes dhe karantinë të detyrueshme. Për udhëtarët që arrijnë në Gjermani me aeroplan, ekziston ende detyrimim i testit PCR jo më të vjetër se 72 orë para nisjes ose testi i antigjenit jo më i vjetër se 48 orë para nisjes. Personat e vaksinuar plotësisht që janë vaksinuar me një nga vaksinat e aprovuar nga EMA të cilët kanë një provë përkatëse të vaksinimit ose rikuperimit të tanishëm në gjermanisht, anglisht, frëngjisht, italisht ose spanjisht në formë të mishëruar ose dixhitale, nuk kanë nevojë të paraqesin një test negativ edhe kur hyjnë në Gjermani nga Shqipëria me aeroplan.