Kryetari i Këshillit të lartë të Prokurorisë, Gent Ibrahimi ka kërkuar që të gjithë prokurorët dhe stafet ndihmëse të tyre të përfshihen në grupet prioritare për t’u vaksinuar. Përmes një letre dërguar Ministres së Shëndetësisë, Ogerta Manastirliu, Ibrahimi kërkon që prokurorët, anëtarët e Këshillit, oficerët e policisë gjyqësore dhe stafi administrative të shihen me prioritet për t’u vaksinuar nga koronavirusi. Numri total i personave që përfshihen në këtë grup arrin në 928. Në letrën e tij Ibrahimi vë në dukje se stafet e të gjitha prokurorivë ne vend, nuk ke kanë ndalur punën asnjë ditë gjatë gjithë pandemisë. “Dua të sjell në vëmendjen tuaj se natyra e punës së prokurorisë është e tillë që dikton kontakt të vazhdueshëm e të afërt me një numër të lartë personazh në zyrat e prokurorisë, në gjykata, nhë terren, në institucionet ku vihen dënimet penale etj. Kjo vlen si për prokurorët ashtu edhe për oficerët e policisë gjyqësore dhe për administratën. Për më tepër, puna e sistemit të prokurorisë nuk mund të ndërpritet apo të zhvillohet online në asnjë rrethanë. Në të vërtetë, puna nuk është ndërprerë plotësisht as në pikun e pandemisë”, thuhet në letrën e Ibrahimit.