Një burrë, i quajtur ‘Kasapi i Hollivudit’ është dënuar me vdekje për vrasjen e dy grave në shtëpitë e tyre dhe për përpjekjen e vrasjes edhe të një gruaje të tretë në një rast që është shtyrë në kohë prej 20 vitesh. Familjet e viktimave u përlotën ndërsa gjykatësi në Los Anxheles lexoi dënimin për 45 vjecarin Michael Thomas Gargiulo, të premten. “Kudo ku ai shkonte, vdekja dhe shkatërrimi e ndiqnin pas atë”, tha gjykatësi. Rasti i Gargiulos, mori vëmendje sepse një nga viktimat e tij do të shkonte në një takim me aktorin Ashton Kutcher, i cili dëshmoi në gjyq në 2019-ën.Dënimi, i shtyrë nga probleme proceduriale dhe nga pandemia, vjen thuajse dy vite pasi një juri e shpalli Gargiulon fajtor dhe rekomandoi ekzekutimin e tij. Gargiulo u shpall fajtor për vrasjen e Ashley Ellerin, një studente 22 vjecare e stilimit, në shtëpinë e saj në Hollivud, ndërkohë që ajo po përgatitej të dilte në një takim me Kutcher. Në gjyq, ky i fundit tha se ai kishte mbërritur pak vonë për ta marrë të renë, e cila nuk iu përgjigj kur ai i ra ziles tek porta. Ai hodhi sytë brenda nga dritarja dhe pa gjak, për të cilin kishte menduar në fakt se ishte verë e derdhur. Ellerin u gjet me 47 plagë thike. Viktima tjetër e Gargiulos ishte edhe 32 vjecarja Maria Bruno, nënë e katër fëmijëve, në shtëpinë e saj në lindje të los anxhelesit në 2005-ën. Ai tentoi në 2008-ën të vriste edhe Michelle Murphy, në apartamentin e saj në Santa Monika, e cila u përlesh me të duke e detyruar të largohej dhe të linte pas një vazhgë gjaku që coi edhe në arrestimin e tij.