Policia e Durrësit ka kapur një 30 vjeçar, i cili qarkullonte me dy mina me telekomandë, me qëllim tregtimin e tyre. Sipas njoftimit zyrtar të policisë së shtetit, pas informacioneve të siguruara në rrugë operative efektivët e policisë kanë ndërmarrë operacionin policor të koduar ‘Parandalimi’. Kapja në flagrancë e shtetasit Elua Thaçi, 30 vjeç, banues në Katund të Ri, është kryer nga forcat policore në vendin e quajtur ‘ Muzeu’ në lagjen numër 9. Gjatë kontrollit kontrollit fizik ndaj 30-vjeçarit, u gjetën dhe sekuestruan në cilësinë e provës materiale 2 mina me telekomandë të lidhura me aparat celular. Pas arretimit në flagrancë, dëshmia e Elu Thaçit la të kuptohej se këto mina kishin qëllim rishitjen për një vlerë monetare që kap shifrën e gjashtë mijë eurove. Mbi 30 vjeçarin rëndon akuza e "Mbajtjes pa leje dhe prodhimit të armëve shpërthyese dhe municionit". Policia e komisariatit të Durrësit në bashkëpunim me forcat e posaçme ‘Shqipnjat’ si dhe prokurorinë e rrethit gjyqësor Durrës, po vijon punën hetimore intensive për evidentimin e personave të cilët do të blinin minat me telekomandë në treg të zi. Pas disa rasteve të evidentuara nga policia për tregtim të minave me telekomandë kanë lindur dyshimet për një rrjet të strukturuar që vepron në tregjet e tregtimit të armëve shpërthyese.