Arbër Maliqi 37-vjeç është vënë në prangat e Policisë së Gjirokastrës, për shkak se u kap me një sasi lëndë narkotike. Policia bën me dije se në kuadër të operacionit të koduar “Katrori”, kanë sekuestruar 73 doza heroine, doza kanabisi dhe një shumë parash e përfituar nga veprimtaria kriminale e Maliqit. Materialet e sekuestruara u zbuluan gjatë kontrollit fizik dhe në banesën e autorit. 37-vjeçari u kap nga forcat Shqiponja, ndërsa tashmë do të përballet me veprën penale “Prodhimi dhe shitja e narkotikëve”. Materialet procedurale i kaluan Prokurorisë pranë Gjykatës së Shkallës së Parë Gjirokastër, për veprime të mëtejshme.