Një aksident u regjistrua mesditën e kësaj të hëne në aksin rrugor Elbasan- Peqin, në fshatin Pajove. Një kamion i tonazhit të rëndë ka dalë nga rruga duke u rrëzuar në anë të saj për pasojë ka mbetur i plagosur një person. Mësohet se kamioni i tonazhit të rëndë ka humbur drejtimin e lëvizjes, ka dalë nga rruga dhe është përmbysur në anë të saj. Sipas të dhënave të marra në vendin e ngjarjes drejtuesi i kamionit ka pësuar dëmtime dhe është dërguar në spitalin rajonal të Elbasanit, ku ndodhet jashtë rrezikut për jetën. Dyshohet se drejtuesi ai nga përgjumja ka humbur kontrollin e drejtimit të kamiopnit duke dalë jashtë rrugës. Fatmirësisht nuk është përplasur me ndonjë mjet tjetër në ato moment, pasi pasojat mund të ishin të rënda.