Izraeli është në prag të një izolimi vetëm një muaj pasi hoqi maskat mbrojtëse dhe rregullat e distancimit social. Me variantin Delta që vazhdon të përhapet në vend, shumëkush druan se Izraeli mund të kthehet në izolim në përpjekje për të ndalur virusin. Kryeministri Naftali Bennett tha: Ne mund ta mundim koronavirusin vetëm në pesë javë. Këtë e kemi ne në dorë”. Pavarësisht fushatës së avancuar të vaksinimit në Izrael, Bennett i ka kërkuar izraelitëve të mbajnë maska në ambjentet e mbyllura publike edhe një herë dhe të evitojnë udhëtimet. Dy javë pasi kërkesa ligjore për të mbajtur maskë u rrëzua, maska rikthehet sërish dhe tani vendi po ecën me një politikë të izolimit të butë në përpjekje për të ndalur rritjen e rasteve. Bennett madje ka ftuar edhe fëmijët e moshës 12 deri në 16 vjec që të vaksinohen duke thënë se vaksina e vetme nuk është e mjaftueshme për të luftuar variantin Delta. Ne na duhet bashkëpunimi i qytetarëve për të mundur koronavirusin pa qenë të detyruar të kthehemi në izolim”, tha ai. Në izrael, 855 raste të reja u raportuan të enjten, shifra më e lartë kjo që nga 22 marsi. Pamjet: AFP