Ish kryetarja e LSI-së, Monika Kryemadhi ka përfituar para nga kompani offshore të cilat kontrollohen nga oligarkë rusë të naftës. Një investigim i “Eureporters” zbardh transfertat bankare që janë kryer në vitin 2017 në emër të Monika Kryemadhit. Pagesat janë marrë nga kompania offshore Holdem Holdings, e cila kontrollohet nga oligarkët rusë të naftës Alexander Smuzikov dhe Alexander Kaplan. Monika Kryemadhi dyshohet se është aksionere në kompaninë offshore të kontrolluar nga rusët, pasi në mandat pagesat thuhet se shuma prej 13 mijë e 500 euro është marrë si dividend për aksioneren, Monika Kryemadhi. Kjo është vetëm një nga pagesat që janë depozituar në emër të Kryemadhit nga kompania offshore.