Infektimet e reja nga Covid 19 mbeten në nivele të ulëta përgjatë 24 orëve të fundit. Sipas raportimit ditor të ministrisë së Shëndetësisë janë 8 qytetarë që kanë rezultuar të prekur nga koronavirusisi rezultat i 4136 testimeve të kryera ndaj personave të dyshuar, 4 raste janë identifikuar në Tiranë, nga 1 rast në Durrës, Elbasan, Sarandë, Kolonjë. Mësohet se në Spitalin Infektiv po marrin trajtim spitalor të specializuar 8 pacientë. Ndërkaq aktualisht janë 101 pacientë aktivë me COVID19 në të gjithë vendin. Edhe këtë të mërkurë për fat të mirë nuk është shënuar asnjë humbje jete dhe numri I viktimave është ai I para disa javëne, 2456 persona. Sipas të dhënave nanë shëruar 6 qytetarë gjatë 24 orëve të fundit, duke e çuar numrin e të shëruarve në 130,059 që nga fillimi i epidemisë. Që nga fillimi i pandemisë kanë rezultuar të prekur nga Covid 19, 132,616. Ministria e Shëndetësisë ka bërë sërish thirrje për të mos neglizhuar shenjat e sëmundjes, por tëtelefonohet urgjenca kombëtare dhe mjeku I familjes.