Goca deti dhe shampanjë... një kombinim perfekt por që sigurisht, nuk i bën që të ngrenë dolli organizatorët e lojërave olimpike të Tokjos 2020. Përvec problemeve të shumta me të cilët ata po përballen për shkak të pandemisë globale, ata janë gjendur tani edhe përballë një problemi të ri, mijëra molusqe që kanë pushtuar gjirin ku do të mbahen garat e kanotazhit. Nuk është pra vetëm pandemia që shqetëson ecurinë e lojërave. Mysafirët e paftuar të Sea Forest Ëaterëay, dedikuar garave me kanoe dhe kanotazhit, midhjet i kanë kushtuar 1.28 milionë dollarë dëme në gji. Organizatorët, sipas BBC, kanë konstatuar praninë e mijëra midhjeve kur galexhantët kanë nisur të zhyten nën ujë për shkak të peshës së tyre. Zgjidhja e problemit ka qenë e kushtueshme dhe e vështirë sepse pjesë të pajisjeve që mbulonin një gjatësi prej mbi 5 kilometrash është dëmtuar ndërsa galexhantë të tjerë janë pastruar në vend nga skuadrat e zhytësve. Në total, janë larguar 14 ton midhje. Dhe nuk janë midhje të thjeshta por një lloj shumë i kërkuar në japoni në muajt dimërorë.