Pas vendimit të marrë nga Komiteti Teknik i Ekspertëve dy ditë më parë, gjimnazistët e viteve të para dhe të dyta janë rikthyer në shkolla për të zhvilluar mësimin gjatë gjithë kohës me prani fizike në klasë për periudhën e mbetur të vitit shkollor. Pak javë më parë ishin maturantët ata që u kthyen në bankat e shkollës për të vijuar mësimin në klasa e njëkohësisht për t’u përgatitur dhe plotësuar boshllëqet në prag të maturës shtetërore. Nxënësit e gjimnazeve, dhe ata të klasave nga e 6-9 që nga 1 dhjetori I vitit të kaluar kanë zhvilluar mësimin e alternuar, një pjesë në shkollë dhe një pjesë online. Vendimi në atë kohë u mor nga komiteti teknik i ekspërtëve pas numrit të lartë të infektimeve nga covid 19 në shkallë vendi, dhe parandalimit të rrezikut të kthimit të shkollave në vatra të përhapjes së virusit. Për nxënësit e ciklit të lartë të arsimit 9-vejcar ende nuk ka një vendim për t’i rikthyer ata në klasa, në një kohë kur nxnësit e klasve të 9, do të përballen me provimet e lirimit dhe ju duhet një përgatitje më e madhe dhe konsultim me mësuesit. Nga ana tjetër studentët duket se mbetën më të penalizuarit, pasi që nga nisja e pandemisë në marsin e vitit të kaluar, kanë vijuar mësimin online dhe nuk janë rikthyër më në auditore. As për studentët nuk kanjë vendim nëse do ketë rikthim të tyre në auditore, të paktën për periudhën e mbetur para sezonit të provimeve.