Kërkesat e përfaqësuesve të bizneseve dhe kontabilistëve për shtyrje të imlementimit të fiskalizmit, duket se po bien në vesh të shurdhët. Përfaqësuesit e bizneseve kanë deklaruar jo pak herë vështirësi në procesin e fiskalizimit, i cili gjeti një mjedis sipërmarrjeje të goditur fort nga pandemia. Ende pa u rimëkëmbur plotësisht, bizneset përballen me kosto shtesë, të cilat i faturohen si pasojë e dokumentacionit dhe pajisjeve të reja të të fiskalizimit. Faza e dytë e fiskalizmit, e cila startoi në fillim të muajit korrik, për transaksionet pa para në dorë mes subjekteve, përfshiu 34 mijë biznese. Fiskalizimi dhe përshpejtimi i aplikimit të tij, krijoi një situatë kaotike në treg, pasi një pjesë e bineseve u pajisën në kohë me çërtifikatën elektronike dhe ndoqën rregullat e fiskalizimit, ndërkohë një pjesë tjetër e bizneseve vijuan faturimin me sistemin e vjetër. Lidhur me këtë çështje, drejtoria e përgjithshmë e tatimeve ka deklaruar se përdorimi i dokumentacionit tatimor ekzistues mund të vijojë të përdoret deri në fund të muajit gusht. Tërheqja e dokumentacionit sipas kuadrit të ri fiskal nga tatimpaguesit, do të mund të kryhet deri në 15 gusht pranë Drejtorive Rajonale ku ata janë të regjistruar. Të gjithë tatimpaguesit të cilët rezultojnë me zbatim efektiv të procesit të fisklizimit do të lëshojnë vetëm fatura të fiskalizura, por nëse do të kenë probleme teknike do të asistohen nga punonjësit e adminstratës tatimore në vendushtrimin e aktivitetit, me qëllim plotësimin e detyrimeve ligjore përgjatë periudhës të parashikuar. Pavarësiht kërkesave të përfaqësuesve të biznesit, por edhe konatbilistëve për shtyrje të implementimit të fiskalizimit, duke filluar nga data 1 shtator pritet të fillojë zbatimi i fazës së tretë së fiskalizimit për transaksionet në cash mes bizneseve dhe konsumatorëve, e cila do të përfshijë rreth 100 mijë subjekte, pra të gjitha përveç ambulantëve.