Besimtarët myslimanë festojnë një nga ditët më të rëndësishme të besimit të tyre fetar, atë të Fiter Bajramit. Në Durrës, qindra besimtarë kryen ritin e faljes së namazit, pas një muaji lutjesh dhe sakrificash gjatë Ramazanit. Për shkak të vitit të dytë të pandemisë dhe orës së kufizimit të lëvizjes, falja e Bajramit në xhaminë e madhe të Durrësit dhe sheshin para sah nisi pak pas orës 6 të mëngjesit. Besimtarët uruan njëri-tjetrin për begati dhe mbarësi, ndërsa imami I xhamisë bëri thirrje për mirësi mes njerëzve dhe mbështetje për më të varfërit. Fitër Bajrami është festa e cila bëhet pas mbarimit të muajit të Ramazanit. Emri Fitër Bajram vjen nga ajo që myslimanët para ditës së Bajramit, shpërndajnë lëmoshë, solidarizohen me të varfrit për ta festuar bashkë këtë festë.