Duket e destinuar të mos shuhet lehtë tronditja që shkaktoi në greqi vrasja e Caroline Crouch nga bashkëshorti i saj Babis Anagnostopulos. Tani, e vetmja shpresë që i mban gjallë Susan dhe David Crouch, është mbesa e tyre, Lydia. Ndërsa Babis Anagnostopulos pret gjyqin për mbytjen e gruas së tij, ngushëllimi i vetëm i prindërve të saj, arsyeja për të cilën ata ngrihen cdo mëngjes është Lidia e vogël. Babai i Carolinëse, David tha për britaniken Daily Mail se e shoqja e trajton mbesën e tyre njësoj si Carolinën kur ishte fëmijë. “Ajo luan me të vazhdimisht kur është zgjuar dhe është vigjilente për tingullin më të vogël kur është në gjumë. Familja është e përqendruar në Lidia. Të gjithë tani zgjohen që në orën 6.30 në mënyrë që Susan të mund të vizitojë varrin e Carolinës para se të kthehet për të përgatitur ushqimin e parë të Lydia-s”, shprehet ai. 78 vjeç, një inxhinier në pension, shpjegon se si mbesa i mban ata larg dëshpërimit. “Prania e Lidias në shtëpi është një faktor lehtësues në të gjithë këtë tragjedi,’ tregon ai nga shtëpia e tyre në ishullin e largët grek Alonissos. ‘Por, unë nuk jam një djalë i ri dhe të gjithë jemi të vdekshëm. Kam një shqetësim të thellë se mund të mos jem në gjendje të mbështes Lidian në ato vite kur ajo mund të ketë nevojë më shumë. Qëllimi im i vetëm tani është t’i jap jetën më të mirë fëmijës së vajzës sime të mrekullueshme”. “Ne kemi një marrëdhënie të mirë me prindërit e Babis, veçanërisht nënën e tij', thotë ai. ‘Ajo telefonon pothuajse çdo ditë për të pyetur për Lydian dhe, natyrisht, është e lirë ta vizitojë sa herë që të dojë”, thotë David duke nënvizuar sidoqoftë se ai dhe bashkëhsortja kërkojnë që kujdestarinë ta kenë vetëm ata.