Në Kodër Kamëz janë duke vazhduar punimet për ndërtimein e dy shkollave të reja ‘Nënë Tereza’ pjesë e një kampusi të ri për arsimin parauniversitar në vend, që do t’i japin mundësi çdo fëmije të kësaj zone që të zhvillojë të gjithë ciklin arsimor brenda perimetrit ku banon. Shkollat e reja do të ofrojnë ambiente të bollshme dhe hapësira të shfrytëzueshme edhe për aktivitete sportive e kulturore ekstra kurrikulare për komunitetin e Kodër Kamzës. Kryetari i Bashkisë së Tiranës, Erion Veliaj, inspektoi ecurinë e punimeve për ndërtimin e këtij kampusi i shtrirë në afro 12 mijë metër katrorë dhe ku pritet që të kryejnë ciklin mësimor parauniversitar të paktën 1300 nxënës.