Kryeministri Albin Kurti ka emërtuar Agron Bajramin në postin e kryenegociatorit të Kosovës në dialogun teknik për normalizimin e marrëdhënieve me Serbinë. Përveç postit të ri, Bajrami është edhe ambasador i Kosovës në Belgjikë. Në muajin shkurt, disa ditë pas votimit të Qeverisë së re të Kosovës, ministri i Punëve të Jashtme dhe Diasporës, Glauk Konjufca, tha se procesi i dialogut do të udhëhiqet nga kjo ministri. Mandatin e kaluar qeverisës, në nivel politik, Kosova në dialog është përfaqësuar nga kryeministri, Albin Kurti, ndërkaq në nivel kryenegociatorësh nga Besnik Bisilimi. Viteve të fundit, Kosova dhe Serbia kanë zhvilluar një sërë rundesh të dialogut në nivel kryenegociatorësh, por takime të nivelit të lartë politik nuk ka pasur që nga shtatori i vitit 2023. Raundi i fundit i dialogut në nivel të lartë u zhvillua pak ditë para sulmit të armatosur në Banjskë të Zveçanit, kur një grup i serbëve të armatosur vranë një polic të Kosovës.