Prokuroria e Posaçme kundër Korrupsionit dhe Krimit të Organizuar ka përfunduar hetimet për një tjetër dosje kriminale, duke e dërgaur atë për gjykim në GJKKO. Në njoftimin e dhënë për media, bëhet më dije se bëhet fjalë për grupin kriminal që trafikonte emigrantë shqiptarë të paligjshëm, drejt Shteteve të Bashkuara të Amerikë, Kanadasë apo Anglisë. Pjestarët e këtij grupi, bënin të mundur kalimin e emigrantëve të paligjshëm drejt vendeve të ndryshme, përmes falsfikimit të vizave apo pasaportave duke përfituar shuma të ndyshme parash. SPAK kërkon ngja GJKKO gjykimin për 24 të pandehurit të cilët konkretisht akuzohen për veprat e rënda penale, si “Ndihma për kalim të paligjshëm të kufinjve”, për hyrjen e paligjshme të një personi në një shtet tjetër pa qenë shtetas i tij dhe pa leje qëndrimi në atë shtet, e për qëllime fitimi, kryer në formën e veçantë të bashkëpunimit “Grup i Strukturuar Kriminal” dhe përmes “Pjesëmarrjes në grup të strukturuar kriminal”.