Ndërkohë që presim stinën e verës, Shkodra është përfshirë nga një mot i pazakontë gjatë natës. Reshje të shumta të shiut, të shoqëruara me breshër dhe shtrëngata që kanë zgjatur gjatë gjithë natës kanë sjellë një pamje të jo normale për muajin maj. Sipas parashikimit të motit të dy ditëve më parë, pritej që në disa qytete të kishte reshje shiu. Sikurse shihet edhe nga pamjet, breshëri i rënë vijon të jetë prezente në rrugë dhe tqë jep përshtypjen sikur Shkodra është zbardhur nga dëbora. Breshëri I rënë me këtë lloj intensiteti, nuk mbahet mend më parë. Si pasojë e motit të keq ka pasur ndërprerje të energjisë elektrike dhe dëme të bimëve dekorative. Në disa rrugë të qytetit të Shkodrës, reshjet intensive të breshërit kanë krijuar probleme në qarkullimin e mjeteve mëngjesin e sotëm.