Mediat gjermane kanë bërë të ditur se babai shqiptar Shefik Hyseni ka arritur të bashkohet me vajzat e tij pas përmbytjeve katastrofike që kanë goditur Gjermaninë. Laureta 13 vjeçe dhe Altuna 17 vjeçe, u shpëtuan nga forcat e shpëtimit me helikopter dhe sot u takuan me babain e tyre.46-vjeçari me orë të tëra nuk kishte asnjë informacion për vajzat e tij, të cilat kishin humbur gjatë përmbytjeve fatale në Gjermani. Në një deklaratë për mediat gjermane Hyseni ka thënë se vajzat e tij e kishin telefeonuar për ti thënë që uji kishte hyre në shtëpi. Kur mbërriti nuk i pa aty duke humbur kështu edhe kontaktet më to. Fatmirësisht ata janë bashkuar dhe vajzat ndodhen në gjendje të mirë shëndetësore. Gjermania është në një situatë kaotike për shkak të përmbytjeve të dy ditëve të fundit ku shumë venbanime tashmë janë nën ujë dhe shumë ndërtesa janë shkatërruar. Më shumë se 60 persona kanë vdekur dhe dhjetëra të tjerë rezultojnë të zhdukur. Autoritetet kanë evakuuar me qindra banorë të tjerë, ndërsa nuk kanë munguar dhe ndërhyrjet nga ajri me helikopter.