Gjykata e Durrësit ka marrë vendimin për 7 persona, të marrë të pandehur pas tërmetit shkatërrues të 26 nëntorit 2019, ku humbën jetën 51 persona dhe u lënduan dhjetëra të tjerë. Gjykata e Shkallës së Parë e qytetit bregdetar shpalli të pafajshëm 4 persona, ndërsa 3 të tjerë janë dënuar me nga 1 vit burg që konvertohet në shërbim prove. Të liruarit janë Flamur Gjuzi, ish-drejtori i ALUIZNI-T Durrës dhe ish-kandidat i LSI për deputet; Artur Çela, ish-drejtori i Inspektoriatit Urbanistik Vendor; Artur Terziu pronari i një lokali; dhe Nevjana Isufi. Ndërsa dënimi për Albrend Qetkën, Skerdi Bellon dhe Aldo Dakovellin, u konvertua në Shërbim prove. Këta shtetas po hetoheshin në gjendje të lirë, pas dëmeve të shumta dhe viktimave në njerëz nga tërmeti i 26 nëntorit.