Top News – Arrestohet i kërkuari ndërkombëtarisht/ Pjesë e një grupi kriminal droge, kapet në Tiranë

Njësia Fast në Policinë e Shtetit ka arrestuar një 46-vjeccar të shpallur në kërkim ndërkombëtar nga drejtësia italiane. Bëhet fjalë për Sulejman Seferajn, banues në Vlorë I cili u kap në rrugën “Abdyl Toptani” në kryeqytet, në kuadër të operacionit të koduar “Altamura”. Ky shtetas ishte shpallur në kërkim ndërkombëtar, pasi Gjykata e Apelit Bari, Itali, e ka dënuar me 13 vjet e 6 muaj burgim, për veprat penale “Shkelja e ligjit mbi drogat” dhe “Organizata kriminale”, nga të cilat i kanë mbetur për të vuajtur dhe 6 vjet, 7 muaj e 7 ditë burgim. Shtetasi Sulejman Seferaj, në bashkëpunim me shtetas të tjerë, ka ushtruar aktivitetin kriminal të shitjes së lëndëve narkotike të llojeve heroinë, kokainë dhe marijuanë, në zonën e Altamuras dhe në zona të tjera përreth, në Itali.