Fillon zyrtarisht stërvitja më e madhe ushtarake në Ballaknin Perëndimor, Defender 21,e cila është një stërvitje e përbashkët mbrojtëse shumëkombëshe e drejtuar nga Komanda e NATO –s në Evropë dhe ushtrisë së Shteteve të Bashkuara të Amerikës. Ambasadorja e Shteteve të Bashkuara të Amerikës, Yuri Kim nëpërmjet një postimi në twitter ka deklaruar se ka mbërritur në Durrës anija “USNS Bob Hope”, e cila është një anije furnizimi që mban më shumë se 800 copë pajisje për t’u përdorur në stërvitje. Diplomatja amerikane bën me dije se priten të bashkohen edhe dy anije të tjera, në ditët në vijim. Stërvitja e përbashkët “Defender 21” do të zhvillohet nga data 26 Prill deri në 20 qershor të këtij viti dhe priten të mbërrijnë 17 mijë trupa amerikanë dhe 14 mijë trupa nga 26 vendet anëtarë të NATO-s.