Angela Merkel më 17 korrik feston ditelindjen dhe mbush plo 67 vjec. Ajo ka lindur në Hamburg më 1954, por familja e saj më vonë lëvizi në Gjermaninë Lindore, Angela u rrit atje. Ajo është më e madhja e tre fëmijëve, e vëllait Marcus dhe motrës Irene. Babai i saj Horst Kasner ishte pastor luterian, ndërsa e ëma mësuese anglishteje. Në vitin 1982 Angela Merkel u martua për herë të parë me studentin e fizikës Ulrich Merkel, me të cilin u divorcua pas pesë vitesh. Ajo vendosi të mbante mbiemrin e tij. Ndërsa bashkëshorti i saj i dytë dhe aktual është Joachim Sauer. Angela Merkel nuk ka fëmijë, por bashkëshorti i saj aktual ka dy djem të rritur nga një martesë e mëparshme. Merkel është vetëm kancelaria më e re në moshë në historinë e Gjermanisë së pas Luftës së Dytë Botërore. Ajo nuk është vetëm kancelaria e para që vjen nga Gjermania Lindore, por edhe para kancelare që njeh shkencat e natyrës. Merkel është një folëse e shkëlqyer e rusishtes, duke i dhënë asaj një pozitë të veçantë në marrëdhëniet me Vladimir Putin. Angela Merkel padyshim është zëri femëror më i lartë dhe më me influencë në skenën politike të Europës dhe konsiderohet si njeriu më i fuqishëm në Europë. Ajo ka deklaruar se do të qëndrojë si drejtuese e CDU-së në Kongresin e Partisë dhe nuk do të kërkojë një mandat të pestë si Kancelare në në vitin 2021.