Policia e Fierit ka vënë në pranga 3 persona, njëri prej tyre për ushtrimin e veprimtarisë së paligjshme të lojërave të fatit dhe dy të tjerët janë arrestuar për shkelje të nga qarkullimi rrugor. Në vijim të punës për ndëshkueshmërine e personave të cilët ushtojnë aktivitetin e kundraligjshëm të lojrave të fatit, shërbimet policore në një lokal, në lagjen 15 tetori në Fier gjetën dhe sekuestruan , disa chipsa, 1 pajisje elektronike dhe 1 aparat celular me të cilat organizoheshin llotari të palejuara. Pronari I këtij lokali, banues në Fier, u arrestua në flagrancë për veprat penale “Organizim i llotarive të palejuara” dhe “Vënia në dispozicion e lokaleve për lojra të palejuara”. Nga ana tjetër, policia e qarkullimit rrugor ka vënë në pranga dy shtetas, pasi njëri u kap duke drejtuar motomjetin pa leje drejtimi, ndërsa tjetri pasi ka shkaktuar një aksident me pasojë plagosjen e një pasagjerje. Materialet i kaluan Prokurorisë për veprime të mëtejshme procedurale.