Policia e Shkodrës vuri në pranga një 33 vjecar, të shpallur në kërkim, pasi ishte dënuar për kryerje të marrëdhënieve intime me dhunë, me të mitur. Vasil Prroni, 33 vjeç, banues ne fshatin Grudë e Re, Shkodër, u kap në flagrancë në lagjen “Guerrile”, nga policia e Shkodrës, ndërsa u shoqërua në komisariat për akuzën që rëndon mbi të. Prroni është dënuar me 2 vjet burgim, për veprën penale “Marrëdhënie seksuale ose homoseksuale me dhunë, me të mitur të moshës 14-18 vjeç”. Ky shtetas në vitin 2015 abuzoi seksualisht me një vajzë të moshës 17 vjec. Rasti në atë kohë, u denoncua nga vetë vajza në polici, e cila tha se prej dy ditësh Vasil Prroni në atë kohë 25 vjec, kishte kryer marëëdhënie me të, pa dëshirën e saj. Prroni kishte pëlqim ndaj së resë prej kohësh dhe e ngacmonte atë, ndaj për ta bërë për vete, ai përdori dhunë duke e futur 17 vjecaren në automjetin e tij, e më pas abuzoi seksualisht me të. Materialet procedurale i kaluan Prokurorisë pranë Gjykatës së Rrethit Gjyqësor Shkodër, për veprime të mëtejshme.