Partia Demokratike ka reaguar lidhur me situatën energjetike në vend, por edhe përmbytjet si pasojë e reshjeve të shiut. Sipas demokratëve, vendi përmbytet për shkak të papërgjegjshmërisë së qeverisë, teksa nuk mungojnë akuzat për blerjen e energjisë. Në këto çaste, Korporata Elektroenergjetike Shqiptare, për shkak të prurjeve të shumta nga reshjet, po derdh mbi 2100 m3 ujë në sekondë, nga Komani dhe Vau i Dejës. Faktet flasin vetë: ndërsa derdhin sasi uji të pamata, dmth rezerva energjie, nga Komani dhe Vau i Dejës, KESH, më 13 nëntor bleu 42,500 Mwh energji, me çmim mesatar 223 euro për Mw. Dje, i njëjti KESH ka shitur 15 Mw energji me çmim mesatar 200 euro për Mw. Brenda një jave kemi humbur minimalisht 3 milionë euro, por kjo është vetëm maja e ajsbergut. Humbjet janë shumë më të mëdha. Më tej anëtari I kryesisë së PD, Eno Bozdo akuzon qeverinë për mashtrim dhe se i ka shpallur luftë shqiptarëve dhe kërkon t`i varfërojë, t`i përzërë pasi sipas tij kështu është më e lehtë për të maniupuluar zgjedhjet e radhës.