Qëndra e Shërbimeve Arsimore ka bërë publike rezultatet e provimit të maturës shtetërore në lëndë e Gjuhës Shqipe dhe Letërsisë për këtë vit mësimor. Nga totali prej 32 mijë e 684 maturantë, të cilët testuan njohuritë e tyre në lëndën e Gjuhës Shqipe dhe Letërsisë, vetëm dy arritën të grumbullonin pikët e nevojshme për t’u vlerësuar maksimalisht me notën 10. Sipas të dhënave të publikuara nga Qëndra e Shërbimeve Arsimore, nota mesatare e maturës 2021 në lëndën e Gjuhës Shqipe dhe Letërsisë ishte nota 6.97. Plot 1 mijë e 911, pra gati 6 për qind e të testuarve nuk arritën të kalonin pragun e pikëve të nevojshme për të marrë një notë kaluese në testin e gjuhës shqipe dhe letërisë e për pasojë këta maturantë duhet t’i nënshtohen sërisht këtij provimi në shtator të këtij viti. Duke mos kaluar testin e Gjuhës Shqipe, maturantëve ju digjet edhe e drejta për të konkuruar për të fituar një degë në arsimit universitar, të drejtë të cilën mund ta ushtojnë vetëm nëse do të marrin një notë kaluese në shtator. Pas pak ditësh maturantët do të njihen edhe me rezultatet e provimit të matematikës, për të cilin pati shumë kontestime dhe protesta nga ana e studentëve. Këta të fundit pretendojnë se teza me të cilën u përballën e kalonte nivelin e tyre të vështirësisë si dhe ishte përkthyer në mënyrë jokorrekte nga tezat që zhvillohen për pranim në Universitetin e Cambridge.