Mjetet e blinduara të ushtrisë gjermane tërhiqnin sot makinat nga një autostradë e përmbytur në Erfstad-Blessem, në perëndim të vendit. Përmbytjet më të rënda që ka parë ndonjëherë Evropa perëndimore, kanë lënë deri tani 150 njerëz të vdekur dhe shumë të tjerë mbeten të humbur. Pamjet tronditëse të shkatërrimit në Gjermani dhe Belgjikë tregonin fshatra të tëra nën ujë, makina që kanë përfunduar mes ndërtesave të shembura. Rrjetet telefonike janë prishur, rrugët janë dëmtuar dhe më shumë se 100,000 shtëpi janë pa energji. Hollanda dhe Luksemburgu janë prekur gjithashtu nga reshjet ekstreme dhe vershimet e lumenjve.