Pas vendosjes së tarifave 25% ndaj Kanadasë, Presidenti i Shteteve të Bashkuara të Amerikës Donald Trump e ka ripërsëritur edhe njëherë kërkesën e tij që Kanadaja të bëhet shteti i 51-të amerikan”. Duke pretenduar se Shtetet e Bashkuara paguajnë qindra miliarda dollarë për të mbështetur Kanadanë, ndoshta duke iu referuar deficitit tregtar të SHBA me fqinjin e saj, Trump tha se “pa këtë mbështetje masive, Kanadaja nuk do të ekzistonte”. Prandaj përmes rrjetit social truth social ai u shpreh se Kanadaja duhet të bëhet shteti ynë i dashur i 51-të.” “Do të keni taksa shumë më të ulëta, mbrojtje shumë më të mirë ushtarake për popullin kanadez dhe pa tarifa”, shtoi presidenti amerikan. Sakaq Presidenti i SHBA-së pranoi se tarifat që vendosi, duke shkaktuar një luftë tregtare, “mund” të dëmtojnë ekonominë e amerikanëve, por shtoi se gjithcka “do ia vlejë”. “Ne do t’i kthejmë Amerikës madhështinë, dhe çmimi që do paguajmë do ia vlejë”, shkroi ai në Truth social. Përvec Kanadasë, Trump firmosi tarifa 25% edhe për Meksikën dhe 10% për Kinën. Presidentja e Meksikës njoftoi se do t'i përgjigjet tarifave amerikane, ndërsa Kina duke i kundërshtuar ato, tha se nga luftërat tregtare, nuk del askush i fituar.