Policia në qytetin afrikano-jugor të Durban qëllonin sot me plumba gome e gaz lotsjellës ndaj grabitësve të dyqaneve e magazinave, në trazirat masive që vazhdojnë prej fillimit të javës. Në pamje shihen grabitës që tentojnë të marrin çka mbetur nga një magazinë pijesh alkoolike, e cila u grabit më herët, gjatë fushatës së dhunës e protestave që deri tani ka lënë të paktën 200 të vdekur në Afrikën e Jugut. Vullnetarë të armatosur po përpiqen të mbushin boshllëkun e lënë nga policia pas përshkallëzimit të kaosit ku dhjetra njerëz janë shtypur për vdekje dhe një spital është djegur plotësisht. Trazirat e rënda nisën pas burgosjes së ish-presidentit Jacob Zuma javën që shkoi për mos-paraqitje në një hetim korrupsioni. Por ato tashmë janë përshkallëzuar në anarki dhe zemërim të përgjithshëm për varfërinë dhe korrupsionin që ka pllakosur vendin prej 27 vitesh, që prej rënies së regjimit te aparteidit.