Çmimet e kripura të karburanteve futin në krizë edhe Policinë e Shetit. Gjithë uniformat blu me një urdhër të brendshëm të drejtorit të përgjithshëm të policisë, këtë nëntor do të patrullojë me 60% më pak karburant. Top channel disponon shkresën drejtuar drejtorive vendore ku thuhet se ky reduktim I karburantit vjen për shkaktë procedurave të papërfunduara dhe të lëvizjes së çmimit të karburantit në bursa. Çdo drejtori vendor I është lënë në dorë hartimi I planit të lëvizjes së patrullave pa tejkaluar masën e reduktimit 60%. Burime të sigurta thanë se reduktimet e sasisë së karburantit të vënë në dispozicion të drejtorive vendore dhe komisariateve kanë nisur që në prill të këtij viti me masën 50%. Sasia nga muaji në muaj është ulur dhe nga rreth 2 mijë litra karburant tani komisariatet marrin vetëm 400 litra. Ky reduktim sjell pasoja në funksionimin normal të punës pasi në këto kushte policia e ka të pamundur të bëjë kontroll territori të zonës që mbulon. Me një sasi kaq të ulët karburati ku një patrulle I bije në ditë të ketë në dispozivion rreth 10 litra karburant e ka të pamundur të shkojë në fshatrat e thella apo në rastin më të keq t’I vihet në ndjekje një personi që konsumon një vepër penale.