Mediat britanike, mës të cilave BBC dhe The Guardian, i kanë bërë jehonë lajmit se ylli i muzikës pop, Dua Lipa, teksa mori nënshtetësinë e Kosovës deklaroi se "ndjehet sikur të dyja anët e mia tani janë një". Këngëtarja e lindur në Londër nga prindër shqiptarë nga Kosova, jetoi për një kohë të shkurtër që nga mosha 11 vjeç në kryeqytetin Prishtinë, kur prindërit e saj u kthyen pasi Kosova shpalli pavarësinë. Mediat britanike theksojnë se presidentja Vjosa Osmani tha se ishte një "nder" që t'i jepej nënshtetësia Dua Lipës, duke e cilësuar atë si "një nga figurat më ikonike kulturore në historinë e Kosovës". Dua Lipa shpesh ka folur për dashurinë e saj për Kosovën dhe ka krijuar një organizatë bamirësie që përqendrohet në ndihmën e komuniteteve vulnerabël atje. Popstari aktualisht ka nënshtetësinë britanike, shqiptare dhe tashmë atë të Kosovës. Ajo mori nënshtetësinë shqiptare në vitin 2022 për promovimin e vendit përmes muzikës dhe famës së saj. “Dua dhe Kosova kanë qenë gjithmonë të pandashme. Ajo ka qenë dhe vazhdon të jetë një nga zërat më të fuqishëm në skenat më të mëdha të botës, duke bërë histori me arritjet e saj dhe duke u bërë frymëzim për miliona njerëz në të gjithë globin”, citon gazeta britanike The Guardian presidenten e Kosovës, Osmani që i dha Dua Lipës nënshtetësinë.Departamenti i Informacionit, më i madhi, më kryesori në Top Channel, i cili shënoi fillimin e televizionit me edicionin e lajmeve në 20 dhjetor 2001. Përmes informacioneve të shpejta, të sakta dhe të thelluara, reportazheve dhe rubrikave të tjera informative, Top Channel është kthyer në burimin kryesor dhe me prestigjioz të informimit të të gjithëve në Shqipëri, në hapësirën mbarëshqiptare dhe kudo tjetër në botë ku shqiptarët jetojnë. Top Channel është i pranishëm me kamerat dhe gazetarët e tij në të gjitha ngjarjet më të rëndësishme të vendit dhe në botë, me edicionet e tij informative.