Top Channel/ “Jam e gatshme të jap dorëheqjen”, kryeministrja serbe kërkon mbajtjen e zgjedhjeve të parakohshme

Kryeministrja serbe, Ana Bërnabiç, tha se është e gatshme të japë dorëheqjen. Gjatë një fjalimi publik të mbajtur me presidentin, Aleksandër Vuçiç, kryeministrja serbe sugjeroi largimin e saj nga detyra dhe mbajtjen e zgjedhjeve të parakohshme brenda fundit të vitit me qëllim që t’i jepet fund krizës politike në vend. Ndërkohë presidenti Vuçiç kërkoi takim me krerët e opozitës për të caktuar datën se kur do të mbahen zgjedhjet parlamentare, ndërsa mohoi se në rast largimi të Bërnabiç do të ketë qeveri tranzitore. Ana Bërnabiç morri mandatin për të udhëhequr qeverinë serbe në mesin e vitit 2022. Por pas dy ngjarjeve të ndodhura në fund të muajit maj të këtij viti ku mbetën të vrarë 18 persona, qeveria serbe është përballur me protesta masive të thirrura nga opozita.