Dielli është fshehur përsëri mbi ishullin Evias të Greqisë nga tymi i zjarreve që po djegin mijëra hektarë pyje të tij për të pestën ditë, ndërsa vatrat e zjarrit ende janë jashtë çdo kontrolli. Prej orëve të para të mëngjesit të së dielës në këtë ishull për herë të parë në këto ditë operojnë katër helikopterë dhe tre avionë zjarrfikës, përfshirë edhe gjigantin Beriev-200 të marrë me qira nga Rusia, bashkë me mbi 260 zjarrfikës greke ,112 zjarrfikës rumunë dhe 100 ukrainas, si dhe me 89 automjete, të ndihmuar edhe nga vullnetarët e banorët.