Bashkimi Europian shprehur keqardhje për faktin që partitë politike në Kosovë nuk arritën të gjenin një figurë unifikuese e të dilnin me një kandidat të përbashkët për president, ckae detyron vendin të shkojë brenda zgjedhjeve të treta brenda një viti e gjysmë. Një zëdhënës i BE-së tha për Radion Evropa e Lirë se blloku europian vazhdimisht i ka bërë thirrje të gjitha palëve politike të sigurojnë stabilitet institucional. “Është urgjente për Kosovën të forcojë dialogun ndërpartiak për të siguruar funksionimin efikas të institucioneve dhe për të mos humbur mundësitë që sjellin përfitime për qytetarët, përfshirë ato nga Plani i Rritjes”, theksoi ai. Ligjvënësit e Kuvendit të Kosovës dështuan të zgjedhin president brenda afatit kushtetues dhe, sipas vendimit të fundit të Gjykatës Kushtetuese, parlamenti u shpërnda më 28 prill. Kryeministri Albin Kurti insistoi se kishte bërë përpjekje për marrëveshje me opozitën, por pa sukses. PDK kërkoi të propozojë vetë kandidatin, ndërsa LDK kundërshtoi kontrollin e LVV-së mbi tri institucionet kryesore të shtetit: Qeverinë, Kuvendin dhe Presidencën. Kurti i ofroi LDK-së dhe PDK-së pozicione në qeveri ose kryeparlamentarit, por ofertat u refuzuan, ashtu sic u hodh poshtë edhe ideja që opozita të propozonte tre emra jopartiakë për president. Sipas Kushtetutës, presidenti zgjidhet me dy të tretat e votave në dy rundet e para, ose me 61 vota në rundin e tretë, ndërkohë që duhet të jenë të pranishëm 80 deputetë që seanca të jetë e vlefshme.