Kevin Suçi apo siç njihet ndryshe dhe me mbiemrin Zeneli, arriti të hyjë në listën e personave më të kërkuar në Shqipëri, teksa emri I tij u përmend nga dy vëllezërit e penduar të drejtësisë, Indrit dhe Gentian Beqiri, si I përfshirë në disa ngjarje kriminale. Teksa autoriteteve në Shqipëri ka arritur t’i shpëtojë pavarësisht krimeve të kryera, drejtësia belge është tepër e përqëndruar në kapjen e 23-vjeçarit dhe vënien para përgjegjësisë për një atentat ku mbeti I plagosur Erion Hasanbelliu. Pikërisht për ngjarjen e 11 qershorit 2022, ku Hasanbelliu mbeti I plagosur rëndë me 7 plumba, akuzohet Kasandër Noga dhe Kevin Zeneli si autorë të dyshuar, që kryen krimin për llogari të Nogës, I cili ka një hasmëri 20-vjeçare me të plagosurin dhe vëllain e tij. “…Kasandër Noga dhe Kevin Suçi (Zeneli) dyshohen se, në datën 11 qershor 2022, midis orëve 20:15 dhe 20:21, kanë tentuar ta vrasin duke e qëlluar 7 herë me armë zjarri në bulevardin “Adolphe Max 76” në Bruksel, mbi një njeri të identifikuar në bazë të pasaportës shqiptare si Mikel Rakipllari. Autori ka qëlluar nga pas dhe ka përdorur një armë Makarov. Personi i plagosur i quajtur Mikel Rakipllari është në fakt shtetasi Erion Hasanbelliu…,”- thuhet në dokument.