Presidenti i Serbisë, Aleksandar Vuçiç, deklaroi se Beogradi do të diskutojë me Rusinë, lidhur me zgjidhjen e problemit të sanksioneve amerikane ndaj kopmanisë NIS, që pjesën me të madhe të pronësisë së naftës serbe e ka Moska. “Nuk kemi më çfarë të diskutojmë me amerikanët. Shtetet e Bashkuara të Amerikës kanë arritur qëllimin e tyre dhe Evropa do të mbështesë sanksionet amerikane”, tha Vuçiç më 7 tetor në Beograd. Sanksionet amerikane ndaj NIS-it hyjnë në fuqi më 8 tetor. “Jam i sigurt se pas një kohe të shkurtër JANAF-i do të ndalojë furnizimin me naftë. Shpresoj që NIS-i të mos shkarkojë një numër të madh punonjësish”, shtoi Vuçiç. Si problem tjetër, Vuçiç përmendi sistemin financiar-bankar, i cili, sipas tij, nuk do të negociojë me NIS-in gjatë kohës që kompania do të jetë nën embargo të SHBA-së. Katër ditë më parë, NIS-i dorëzoi në administratën amerikane në Uashington një kërkesë të re për shtyrjen e zbatimit të sanksioneve.