Vetëm dy ditë nga zgjedhjet e parakohshme të 7 qershorit në Kosovë, autoritetet kanë vënë në pranga një shtetas, nën dyshimin e kryerjes së veprës penale të dhënies dhe marrje së ryshfetit në lidhje me procesin e votimit. Sipas Policisë, rasti ka ndodhur të enjtën në orën, 20:00 në Graçanicë. Autoritetet kanë ushtruar kontroll në shtëpinë e të dyshuarit, ku si prova materiale janë konfiskuar material për votim dhe katër telefona celularë. Me vendim të prokuroroisë, i dyshuari është dërguar në paraburgim. Në lidhje me rastin policia, ka marrë në pyetje dhe dy shtetas të tjerë, si dëshmitarë. Partitë politike në Kosovë, përmbyllin tubimet përfundimtare këtë të premte. Fushata zgjedhore është shoqëruar me premtime të mëdha nga Vetevendojse dhe partitë opozitare, ndërsa nga të fundit nuk kanë munguar akuzat ndaj qeverisë Kurti, për krizën politike në vend. Këto janë zgjedhjet e treta parlamentare në Kosovë, brenda 16 muajsh. Kryeministri në detyrë Albin Kurti, kërkon sërish një mandat tjetër qeverisës, ndërsa ish-presidentja Vjosa Osmani, garon si candidate për këtë post nën partinë Lidhja Demokratike e Kosovës.