Bedri Hamza ka dhënë dorëheqje të parevokueshme nga posti i kryetarit të Partisë Demokratike të Kosovës (PDK), duke bërë të ditur se partia duhet të nisë një fazë të re të organizimit dhe të udhëheqjes politike. Gjatë një konference, ai tha se dorëheqja është vendim i menduar mire se synimi i tij është që partia të kalojë në një proces të ri zgjedhor, ku anëtarësia do të ketë rol vendimtar dhe ku do të krijohen më shumë mundësi për përfshirjen e të rinjve. “Besoj shumë se çdo përgjegjësi e ka edhe kohën e vet. Çdo kryetar duhet të kuptojë se kur është koha të marrë përgjegjësi dhe kur është koha të hapë rrugë për një fazë të re. Për mua kjo kohë ka ardhur. Unë sapo e përfundova mbledhjen e Kryesisë dhe sot, para jush dhe para qytetarëve, dua të bëj publik vendimin. Sot kam dhënë dorëheqje të parevokueshme nga pozita e kryetarit të PDK-së”