Në prag të zgjedhjeve parlamentare të 25 tetorit në Serbi, partitë politike, kanë vendosur Kosovën në qëndër të narrativave të fushatave zgjedhore. Nga mosnjohja e Kosovës, deri te flamuri serb do valëvitet në Prizren, janë disa nga premtimet e partive politike serbe. Në lidhje me fushatën zgjedhore ka reaguar edhe ministri I Punëve të Jashtme të Kosovës, Glauk Konjufca, I cili vlerësoi se gjatë fushatës parazgjedhore në Serbi “dolën në pah ambiciet e ripërtërira territoriale ndaj Kosovës”. Përmes një postimi në X, Konjufca thotë se ‘Serbia nuk mund të pretendojë se angazhohet për paqe dhe integrim evropian, ndërkohë që zyrtarët e saj më të lartë e kontestojnë hapur sovranitetin e Republikës së Kosovës’. Kosova dhe Serbia pranuan në vitin 2023 Marrëveshjen për rrugën drejt normalizimit të marrëdhënieve, ndërsa më pas u dakordua edhe Aneksi për zbatimin e saj. Ndonëse marrëveshja nuk është nënshkruar, Bashkimi Evropian ka deklaruar se ajo është ligjërisht e detyrueshme për të dyja palët.