Lëvizja Vetëvendosje ka shënuar fitore bindëse në shtatë komunat më të mëdha të vendit në zgjedhjet paralamentare të 7 qershorit sipas rezultateve preleminare të Komisionit Qendror të Zgjedhjeve. Pas numerimit të 99.4% të votave nga zgjedhjet e jashtëzakonshme të mbajtura ditën e dielë, partia e parë renditet Lëvizja Vetëvendosje me 42.9 për qind, duke fituar 48 mandate. Sipas rezultateve të Komisionit Qendror të Zgjedhjeve, e dyta është Partia Demokratike e Kosovës me rreth 21 për qind duke fituar 24 mandate, ndërsa e treta Lidhja Demokratike e Kosovës me 17.6 për qind duke fituar 20 mandate. Në vendin e katërt renditet Aleanca për Ardhmërinë e Kosovës me 7.1 për qind duke fituar 8 mandate. Krahasuar me zgjedhjet e 28 dhjetorit 2025, LVV-ja ka shënuar rënie me rreth 7%, PDK-ja ka mbetur pothuajse në të njëjtin nivel, ndërsa LDK-ja ka shënuar rritje të dukshme 4%. Edhe AAK-ja ka regjistruar rritje me gati 2%. Lista Serbe ka fituar me 6.17%, ku sipas kryetarit të saj Zllatan Ellek ka fitruar 10 mandate.