Serbia duhet të "bëhet konkrete për anëtarësimin" në BE, tha të mërkurën Presidentja e Komisionit Evropian Ursula von der Leyen, duke kërkuar respekt për sundimin e ligjit, reformat zgjedhore, lirinë e medias dhe sanksionet ndaj Rusisë. Von Der Leyen "Zoti President, tani është momenti që Serbia të bëhet konkrete për t'u bashkuar me BE-në. Pika ime e parë është se duhet të shohim përparim në sundimin e ligjit, kuadrin zgjedhor dhe lirinë e medias. Pika ime e dytë është se duhet të shohim një harmonizim më të madh në politikën tonë të jashtme, përfshirë sanksionet kundër Rusisë. Ju përgëzoj që arritët 61% të harmonizimit me politikën tonë të jashtme, por nevojitet më shumë dhe ne duam të mbështetemi te Serbia si një partner i besueshëm" Presidenti serb ka ndjekur për vite me radhë një politikë balancimi diplomatik mes Bashkimit Evropian dhe lidhjeve të tij të forta me Rusinë, si dhe Kinës, e cila ka investuar dukshëm në minierat serbe. Sanksionet amerikane kundër Rusisë ndërkohë, kanë goditur rëndë sektorin e naftës në Serbi, me kompaninë e saj më të madhe të naftës që u godit me masat e shtyra prej kohësh në fillim të këtij muaji.