Dërgimi i ekipit në Gazë nga Forca e Sigurisë së Kosovës, shënon përfshirjen e parë të vendit, në një mision stabilizues, një hap që autoritetet në Prishtinë e paraqesin si dëshmi të besimit ndërkombëtar ndaj kapaciteteve ushtarake të Kosovës. Sipas REL, kontigjenti I parë nga Kosova në Gazë pritet të jenë 22 ushtarë, me rotacione deri në vitin 2027 dhe në koordinim të ngushtë me Shtetet e Bashkuara. Ish drejtori i çështjeve evropiane në Këshillin e Sigurisë Kombëtare të SHBA-së, Charles Kupchan, është shprehur se nuk ka shumë rreziqe serioze përveç mundësisë se një reagimi politik kundër këtij angazhimi. Ai ështe shprehur se në përgjithësi ky është një kontribut me rrezik të ulet. “Ideja është që Kosova po synon të tregojë se nuk është vetëm një aleate besnike por edhe një aleate aktive një vend që është i gatshëm të bëjë sakrifica me gjak dhe me mjete për të kontribuar në të mirën e përbashkë”, është shprehur Charles Kupchan. Projektligji për nisjen e trupave të FSK në Gazë u miratua nga Kuvendi I Kosovës, pas asnjë votë kundër dhe as abstenime. Angazhim për dërgimin e trupave në Gaza, në kuadër të Bordit të Paqes, ka ndërmarrë edhe Shqipëria, por një ekip nuk ka shkuar ende atje.