Ambasada e Shteteve të bashkuara të Amerikës në Tiranë, nëpërmjet një postimi në twitter ka sjellë në fokus stërvitjen “Defender Europe 21” që po zhvillohet në vendin tonë. “Ne jemi të lumtur që Shqipëria pret #DefenderEurope 21. Si pjesë e stërvitjes ushtarake, afërsisht 28 mijë forca shumëkombëshe nga 26 kombe do të kryejnë operacione gati të njëkohshme në më shumë se 30 zona trajnimi në 12 vende.” – ka deklaruar ambasada amerikane në tëitter. Stëvitja e përbashkët mbrojtëse e drejtuar nga komanda e NATO-s në Evrope dhe ushtrisë së Shteteve të Bashkuara të Amerikës synon të ngrejë gatishmërinë dhe të realizojë më shumë ndërveprim midis ushtrisë së SHBA, NATO-s dhe ushtrive partnere. Nga pikëpamja financiare kjo stërvitje pritet që të rrisë të ardhurat në strukturat ushtarake. “Defender 21” është cilësuar nga zëvëndëskomandanti i ushtrisë së Shteteve të Bashkuara si një element i rëndësishëm zhvillimor. Ky i fundit e ka cilësuar Shqipërinë një partnere strategjike të sigurisë amerikane në Evropë.