Pas rrëzimit të helikopterit ushtarak italian në Bosnjë-Hercegovinë, ku pati viktima e të plagosur, Shqipëria është solidarizuar me Italinë. Ministri I Mbrojtes, Ermal Nufi theksoi në një postim në rrrjetet socaile se në këtë moment pikëllimi, Shqipëria qëndron krah Italisë dhe Forcave të saj të Armatosura, në solidaritet të sinqertë dhe miqësi të thellë. Reagimeve iu bashkua dhe ministri për Evropën dhe Punët e Jashtme, Ferit Hoxha. “Shprehim ngushëllimet tona të sinqerta për familjet e viktimave, si dhe për Qeverinë dhe popullin e Italisë. Mendimet tona janë gjithashtu pranë të gjithë të lënduarve, të cilëve u urojmë shërim të shpejtë dhe të plotë. Në këtë moment të vështirë, Shqipëria qëndron fuqimisht krah Italisë, vendit mik dhe aleat në NATO, si dhe në krah të gjithë komunitetit të EUFOR-it, ku personeli shqiptar shërben me krenari përkrah kolegëve italianë dhe ushtarakëve të tjerë, në një angazhim të përbashkët për paqen dhe stabilitetin në Bosnje-Hercegovinë.”, shkroi Hoxha në rrjetet socaile.