E ngarkuara me punë në Ambasadën amerikane në Prishtinë, Anu Prattipati, i është drejtuar me një bërë thirrje Kosovës që të hyjë në partneritet energjetik afatgjatë me Shtetet e Bashkuara përmes projektit për gazin e lëngshëm natyror, duke thën se kjo do t’I siguronte të ardhmen energjitike të vendit. Prattipati tha se Kosova nuk po arrin t’i përmbushë kërkesat në rritje për furnizim me energji, ndërsa citoi të dhënat e Doganës së Kosovës, se vendi ka shpenzuar 735 milionë euro në importimin e energjisë elektrike nga vendet fqinje në katër vitet e fundit. Diplomatja tha se në të ardhmen çmimi dhe kërkesat për energji do të vazhdojnë të rriten dhe Kosova do të varet gjithnjë e më shumë nga fqinjët e saj. Sipas saj, për të adresuar këto sfida strukturore, Kosova do të duhej t’i bashkohej projekteve amerikane të gazit natyror të planifikuara nëpër Ballkan, pasi mund t’i sigurojnë burime energjetike amerikane.